Juniorinnen FC Menzo Reinach

joe haefeli · Vielschreiber Beiträge: 75

Hallo Nadia

wie versproche, schrieb ich dir eso wies gester gsi esch und willi sicher bin, dasses no anderi git, wo's interessiert, hani grad en neue Ordner gmacht.

Mer sind nur je 9 Spieler gsi und eso hets echli meh Kondition vo allne Feldspieler brucht. D'Nadja em Goal het sicher glich gschwitzt wie normal. Oder eher echli weniger, will mer im Fäld jo echli müeder gsi sind, isches ned immer so temporiich gsi, wie susch. Sie hett ihri sach, nach anfänglicher Nervosität, aber sehr guet gmacht und mer händ, obwohl mer de beschti spieler ufem iis no ihne gä händ, mit 14 zu 11 chönne gwünne.

die wo scho die andere Mitteilige übers Hockey gläse händ, händ sicher grad festgstellt, dass d'Nadja zwei Goal meh über cho hett, als sie maximal hett welle übercho! Will si jo weniger als ech (10) hett welle hat. Aber si hett glich guet gha!

Eus allne hetts wieder einisch Spass gmacht und mer freue is scho uf de 19.12. wo mer vom 15.00 bis 17.00 gäge Spreitebach werdet spiele. Ev. isch denn d'Nadja Feldspieleri.

Gruess a alli Fuessballfründe JOE

nadja · Gast

jo hallo!
jo leider hani 11 goal öbercho, das esch zwar schad, aber i füele mi wäge dem ned tränkt. wel i ha met glöck ond iisatz ou s eint oder andere goal chönne verhendere. emmerhen... aber das goalie si esch den also gar ned eso eifach wies usgseht ond die theorie esch! s erste problem esch natürlech s aalege vode usröstig. den wenn das ganze züüg ahesch, den muesch so breitbeinig die gägend omenandloufe, do chonsch der scho chli blöd vor! den muesch da metem abechnünle ond vor allem weder ufstoo muesch mol tschegge. den d fanghand lenks ond rächts de schläger, was ou ned emmer liecht esch das ou in etwa so omzsetze. de schleger esch ergendwie so schwär gsi zum handhabe, met dem hani ned vel chönne afo ond met de fanghand ergendwie ou ned... naja. di ganz usröstig esch mer sowiso vel z gross gsi ond dorom esch es mer emmer abegrötscht. was sech den ou no als problem usegstellt hed, esch s trenke gsi.... i be so onbeweglech gsi ond ha mer ned mol chönne a chopf länge. I has den ou ned gschafft d stockhand abzie ond de stock no z hebe ond öpis z trenke. den ide pouse hand mer den die andere welle behelflech si ond döre helm döre sprötze, aber us ‘chläberige’ grönd hani da abglehnt. de joe hed mer den s getterli vom helm ufeghebt ond ich han tronke….. jäjo, den am schloss no hani nochli gred met miner schwöster ond den esch scho d iismaschene cho ond si hed gseid I söll doch öber d bande usecho. i has den versuecht, aber be so ade bande blibe häne, dassi weder vor no retuur ha chönne... si hed mer den chli nochegholfe ond I be wiene sack mähl a bode abe plumpst :-)
jäjo das ganze esch relative amüsant ond lostig gsi, aber em ändeffekt eifach es super erläbnis ou wenn mer nochär chli alles weh do hed… I werde emu wiiterhen cho solangs mini finanze zuelönd ;-) das met de fäldspelerin muessi mer scho nochli öberlege, wel naja.... i öberleggs mer ebe besser nomol....
also cu nadle

joe haefeli · Vielschreiber Beiträge: 75

du tuesch guet dra, das z'überlegge, denn au wenn schliefschuefahre chasch, so isches mit de usrüschtig doch nochli anders! Glaubmers. bi mer machts ekei unterschied, will ech chas mit oder ohni ned guet. so isch für mech d'usrüschtig grad en art gehhilf, will durch si hani ekei angst umzgheie und fahre eifach druflos. wenni nüm cha halte, denn chunnt jo irgendwenn en bande wo mi abbrämst.
du chönntisch jo emol uf d'schlipf goge üebe mit manne-schueh zfahre. ech chiemmti mit. gohne so oder so emol miterem veteran, wo au wieder emol wetti fahre. wahrschiendli am nöchste sunntig morge, so um die 10. wettsch mitcho?
gruess joe

joe haefeli · Vielschreiber Beiträge: 75

hey - mer isch grad in sinn cho, dass das mitem sunntig jo gar ned goht! mer händ jo mit de juniorinne training vom 8 bis am 10 ide pfrundmatt. also falls sicher 8 girls wänd ufstoh....... mol luege.
cu joe

phippu · Stammgast Beiträge: 34 Ort: Zetzbu

ohhhh iz hani grad welle i schriebe dasi au gärn nochli wär go üebe fahre, wobi am sonntig morge so früe uf......

Nadia I. · Dauerschreiber Beiträge: 189 Ort: Wangen bei Olten

:-D das tönt werklech lostig wenn me das so lest....
Chume de vellech mol cho luege....., wenn e zyt han.
Guet das han e zwar emmer;-)
Han früehner mängisch ou chli Ishockey gspellt. Be no vell med mim Vater uf d Schliefschuehbahn gange und denne hemmer immer chli gspellt....E han jo mol es halbs Jahr Unihockey gspellt, aber das chan me jo ned gad vergliche:-D
E be einisch en grosse Fan vom EHC Olte gsi (fraged üch jetzt ned:-D).
De ben e praktisch jede Matsch med mim Vater go luege und
es hed eigentlech emmer mega Spasss gmacht, aber denne wo mi Vater
gstorbe esch, esch mer de Ishockey vollkomme egal worde....
Naja was sölls.
Fröit mi, dass alli heil weder hei cho send:-D
wönsche alne en schöni Woche und eventuell bes am Mittwuch(goh mer ebe äuä am Mettwoch es Piercing go mache)
oder de secher bes am Samstig....Es chunnd de no en Kollegin met am Samstig me nehmts wonder ob ehr se no kenned.....Gloubes zwar ned...:-D

also ganz liebi Grüess
bes bald

nadja · Gast

Jo halli hallo
Mer chöned am nöchschde sonntig jo nochem träning ufd schlipf, sender debi? Mini fröndin d tiz wörd ou no cho. Also schlifschue fahre chani jo ned wörklech, aber na ja i flüge ou ned grad sofort om säge mers mol so... i muess mers eifach öberlege wägem dosse spele, wägem rögge, wel dä hed das vo gester scho ned so lostig gfonde ond i dänke checks ond so het er ned lieber... phippu chom doch ou, da wird emu secher lostig J ond öbrigens joe, i ha mi ebe chli gfrogt ab der, wo gseid hesch am so am 10ni, aber hesch es jo no gmerkt, dass mer den träniered. I hoffe mer brenged 8 äne, es wär emu schono toll.
Ond jo bevoris vergese, am samstig chond den d tiz no met, hoffe da esch ok... also demfall vel spass im träning, wenn mer ned no vorhär öpis vonenand ghöred....
Glg nadle

joe haefeli · Vielschreiber Beiträge: 75

also Nadja vo wäge tscheggs muesch glaubi ekei angst ha, will das machemer nur mit iishockespieler und denn au nur im minimem mass. gester hett de micha nume die dragno wo mit ihm im hockey sind und si nur ad bande drückt, das heisst ned mit alauf. susch gsesch eigentli meistens wenn eini (wie ech z.b.) nüm cha uswieche und denn bisch ufe zämestoss vorbereitet. ech ha gseit meistens. ;-)
vo mer us chömmer am sunntig aunochem training uf d'iisbahn. zersch wotti eifach no dusche und d'haar föne :-0 und no echli em aargau süd zueluege, aber ech dänke so uf di 11 wäri debii. mol luege öps bis denne au no passt.
wägem samstig müemmer eifach luege, dass ned alli ein kollegin mitnähmed, susch siemmer denn plötzlich me meitli als buebe am chlaushock! ;-) guet de buebe wärs wahrschindli gliich.
hey phippu chiemmtisch am sunntig au uf d'bahn? oder muesch am sunntig am morge früeh (3-5) no e revanche im billard gä? :-))))

Nadia I. · Dauerschreiber Beiträge: 189 Ort: Wangen bei Olten

wow so spät no wach:-D
jo be mer esch es eh noni ganz sicher ob se öberhaupt darf cho....
hed chli en strängi muetter, aber mer möche denne halt en notlüg und
säge de muetter mer sige uf aarau gange oder so....;-)
Se werd uf jede Fall ke ärger mache esch en mega liebe Mänsch...,
aber da wärded ehr jo denne am Samstig gseh...
So und jetzt gon e no en Spaziergang go mache.
Schöne Tag zäme me gseht sech
mlg nadia

phippu · Stammgast Beiträge: 34 Ort: Zetzbu

du log häfi senior, du chasch scho en revanche ha aber damol loni s'chregi di lo wecke oder velech au s'mäneli. Der hätte jo eh kei chance, mer send dütlech öberläge gsi. Er händ eifach zvell öberleit ond probiert met taktik zgönne. I geb der iz mol en tipp, wobi du kennschen jo eh scho.....eifach druf ballere;))....

I chiemt scho met am sonntig of d'iisbahn, mösstet mer eifach denn no säge of wenn dass der gnau gönd. Usschlofe chani jo au vom sonntig ofe mäntig no:))