Juniorinnen FC Menzo Reinach

nadja · Gast

jo do beni weder
I be grad stinke sauer emfall, chönnt grad alles verprögle wo mer in wäg chont, weli vori en pam physic pröffig gha han ond I has voll ned chönne! naja bes ez hani no niemer ghört wos het chönne, aber glich. velech ged üs de Lehrer jo no en chance, wel de klasseschnett esch garantiert ongnüegend! I närve mi mega…aber zum glöck chain höt obe is lehrertschutte, den schüssi einisch de physiklehrer so ganz zuefällig abe :-) naja easy, da ghört jo ez ned do äne…aber es esch glich verschesse.
also zum iishockey. jo joe, du hesch scho rächt met tscheggs, aber i mage üch ou ned noche dänki mol. i gloube i brenge üch meh im goal ond nor emmer blöd usgspellt wärde, da esch ou doof. jo i luege mol. aber am sonntig esch uf jede fall guet am 11. d tiz schloft bi mer ond wel si ned wet choge tschutte, den chani si grad no rasch hei go hole die zwöscheziit. ond am samstig werds secher ou lostig met oder ohni kolleginne. ond joe i wörd langsam ufpasse im billard, de phippu esch sehr glehrig wie du merksch....
ond no öpis före phippu: esch scho guet, mer wösses alli, dass am mäntig frei hesch ond mer ned... :-P sodele i houes mol weder... gone mi nochli goge ufrege ond närve ab mer.
cu on sunday! greez nadja

phippu · Stammgast Beiträge: 34 Ort: Zetzbu

ned nome am mäntig, i ha morn au no frei (ha grad vori s'telifon becho). I döf nochli schöggele wi der iz secher dänke.
Hey nadle i wönsche der ganz en schöne schuel morn, i werde chli a di dänke;)))
Iz chasch de du weder mol es billiard go mache cho he, du hesch di secher au verbesseret em gägesatz zo letscht mol:)

joe haefeli · Vielschreiber Beiträge: 75

also denn gömmer am sunntig uf d'iisbahn. öb mer vorher ide halle trainiere isch jo nonig sicher, will ich ha jo gseit, dass mindesten 8 meitli müesstet cho, susch bringts nüt. 4 gäge 4 isch scho viel z'asträngend.

jo nadja hesch rächt, de phippu het mängisch es hoch und chas billard würkli scho guet, wobi ich inerem formtüf bin. ech glaub ech sett me go üebe! aber de phippu isch fängs eso viel dehei, dass ech gar nüm dezue chueme um echli d'schöggele und zwüsche dure es paar chugle go z'versänke. und denn isch ebe no das, dass ich bisher besser gsi bin und mech eifach nüm eso cha konzentriere. aber ebe er holt jo uf und ech muess scho wieder me gas gä!

@häfi - was meinsch würd s'mami säge, wenn plötzlich s'chrigi oder d'manuela würdi me go wecke cho um zfroge öb ech chiem goge es billard mache?? Den würd si glaub ned nüme fröge: "was esch?" - oder ned? Aber me chönds scho einisch usprobiere, oder wenigstens wiederhole, sone nächtliche billard und schnäder träff.

ech gsehne hoffentli die meiste hüt obe im training, de nadja wünschi en schöni sitzig z'schöftle und die andere wetti am samstig am chlaushock gse! Und nochher am sunnti am morge ide pfrundmatt und eventuell spöter no ide iishalle.

also so long joe

Nadia I. · Dauerschreiber Beiträge: 189 Ort: Wangen bei Olten

@joe

jetzt han e no üse nächtlech chat verpasst:-D
han doch ned dänkt, dass höd weder so spät b.z.w früeh online besch.......;-)
ha höd voll verdösed dä esch schön moff worde.
Be halt ersch am 6i go schlafe und denne esch halt per "Zuefall" mi wecker ned abgange...tja tja was sölls...er esch halt sälber en idiot well e han ehm scho 50mol gseit, dass e lieber gäge obe es gspräch han, aber de tschegges nachemne halbe jahr noni:-D
morn s training werd secher geil, aber wenn e morn mis piercing go go mache, denne darf e eifach ke ball an chopf becho. wör de ned eso toll si, aber e go das äuä ersch endi wuche go mache oder evt. ou ersch nächst wuche uf jede fall werd mini muetter ned eso begeisteret si und es werd weder deftig boff gäh.......am samstig werds secher ou lostig...e dänke mer mol d romana werd vo üs begeisteret si und vellech chan e se jo derzue öberrede, dass se zo üs chonnd cho schutte....se spellt no rächt guet.
so also muess jetzt nochli go tv luege und nochli telefoniere:-D
bes höd zobe i äm fall
wönsche der en schöne tag
mlg nadia

joe haefeli · Vielschreiber Beiträge: 75

@nadia

ha der doch gseit, sellsch goge schlofe! aber anerem alte, lebenserfahrene Ma glaubt mer eifach nüt! das isch di hütig Jugend! Oder hämmer damals de alte au nüt glaubt? Hani vergässe.
dini tagesablöif muess denn bis im summer schochli ändere, damit ide stifti ned nur am nomittag gosch goge schaffe. Oder hesch das in arbetsvertrag ine gno, dass du am nomi de morge hesch und am obe de nomi würdisch schaffe. damit du glich um mitternacht chasch znacht ässe und denn no in usgang ;-)
wo spielt d'ramona? ich hoffe eifach, dass am samstig au viel werdet cho, damit si möglichst viel cha kennelehre.
was machsch füres piercing? wie gross isch d'chance dass der en ball an chopf flügt. de isch so höch obe und mer spiele jo nur flach ;-)

bes hüt obe

Nadia I. · Dauerschreiber Beiträge: 189 Ort: Wangen bei Olten

@joe

:-D jo das wärs no,aber em lehrvertrag staht leider öbis ganz anders....:-(
Guet e werde das scho ergendwie he brenge muess de eifach luege,
dass e rächtzytig due ufstah. E muess jo sälber en 3/4 Stund Zögli fahre...

e gloube ned, dass du wo no jünger gsi besch so i mim alter emmer
uf dini Eltere oder ou älteri Persone glost hesch:-D du wersch doch sicher ganz en schlemme gsi si......;-)

D Romana spellt bem FCS. E kenne se no vo mine Zyte derte und mer send mega guet befrönded....Se esch mängisch chli schregg droffe und wenn se med mer wäg esch, denne lacht se nur, also fraged üch de ned:-D

guet stemmt d chance, dass mer en Ball ad Beere chunnd esch zwar scho ned so gross. Han ganz vergässe, dass ehr alli sooooo chli send.....:o)
Also zersch mach e mer emol eis bir Lippe unde und denne evt. no meh.... Muess de luege, well mis verdiente Gäld löst sech leider langsam uf:-( und
do e gester jo ned gsi ben, werd das vom nächste Monet no en Zyt lang goh, bes e s bechome...

Guet e go jetzt emol mis (T)schuttizügs go sueche;-) und de gon e schnäll uf Solothurn go frage ob ses mer öberhaupt mache, well e halt noni 18ni be......

MlG
Nadia

nadja · Gast

Jo sali zäme
Weisch phippu dass frei hesch esch jo no ok, aber dass es den no jedem ond jedere muesch go onder d nase striche... tztztz nenei, scho easy i mages der jo gönne ond i muess jo ez ned säge, dassi nöchschd woche am di ond mi frei han... J i ha öbrigens höt nüt gspürt vo dine gedanke wo hätte selle bi mer si.... aber glich merci för dis biileid!
I cha emmerno glich schlächt billard spele wie letschdmol, weli nie gspellt han die zwöscheziit. S einzige woni dezueglehrt ha i sache billard, esch, dassi ez chönnt d wenkle, d rotationsgschwendigkeit, impuls ond energieöberträgig chönnt berächne. Nor leider brengt mer das härzlech wenig L aber i chome glich gärn wedermol en parti choge spele, wenn velech grad mol lost hesch z gwönne ;-)
Jo joe, du gsesch das rechtig, de phippu esch besser worde ond du besch glich blobe! I wörd afo heimlech üebe, schösch hesch den gli kei chance meh! ;-) merci joe för dini liebe wönsch ufne gueti setzig, aber si wird secher ned so lostig.... na ja easy. Ond joe, emene alte ma met läbeserfahrig wörd d nadia jo velech scho gloube, aber du besch de joe ond fallsch dorom ned i die kategori! Ond i gloube öbrigens ou ned wörkli, dass du emmer es muurblüemli gsi besch....
Ond nadia, vergess ned: klein aber oho! Ond das metem piercing wenn noni 18 besch, da goot scho, wenn di chli gschekt astellsch, i has jo emu ou gschafft ;-)
Also demfall lüütlis, me gseht/ghört sech! Greez nadle

Nadia I. · Dauerschreiber Beiträge: 189 Ort: Wangen bei Olten

@nadja

Jo esch gange med em Piercing. Muess aber jetzt no drei Woche lang es mega Fähnestängeli denne loh, wells rächt agschwolle esch....
Hed chlei weh do, aber ebe......Esch jo glich i dere Beziehig ben e jo ned
bsonders empfendlech was schmärz betrefft......
Er hed mech nedemol nach em Alter gfragt gha, da esch no possitiv gsi...
Hoffe dini Setzig esch guet gloffe. Hend dech dänk mega schregg agluegt.
So also me gseht sech jo am Samstig denne.....
Wönsche der en schöne Tag
l.g Nadia

joe haefeli · Vielschreiber Beiträge: 75

gäll nadja, das esch de vorteil, wemmer inerem katolische gebiet schaffed oder i d'schuel goht. me het immer wieder fiertige!

nadja · Gast

jo joe, das esch wörklech ned schlächt! i weiss ned mol wär oder was a dem tag heilig esch, aber houptsach i ha frei! .-)