Juniorinnen FC Menzo Reinach

Nadia I. · Dauerschreiber Beiträge: 189 Ort: Wangen bei Olten

@ Joe

E han vom FC Wohle ganz überraschend es Agebot becho und e werdes vermuetlech anäh....

Jo dasmol wärde mer sicher rächtzytig si vorusgsetzt se darf öberhaupt und ehre onkel fahrt se....gäll schatz?:-) mer send halt am weekend echli "zu" spät heicho, aber jo mer wärdes höd zäme aluegge...
Be uf jede Fall jetz froh, dass mer das do klährt hend und mer das ned während em Training müsse mache....Mi schatz hed halt eifach es z guets härz....naja egal....

Also bis Morn am 7ni oder chli früehner:-)
Mega liebe grüess

joe haefeli · Vielschreiber Beiträge: 75

@nadia

falls du würkli uf wohle wettsch go tschutte, denn isch da scho ok. da verstoh ich voll, will ich wett au ned nur trainiere und ned chönne am matsch mitmache. das isch die einti siite.
uf de andere würdi, wenn i di wär, zersch emol echli det go trainiere, will du weisch, dass bi der alles muesch stimme, susch gfallts der ned (siehe Schöftle, aarburg, prattele usw). denn chönntisch im früehlig det spielpraxis sammle und im summer wieder zu eus wächsle.
und susch bliebsch halt wieter bi eus und machsch mit eus die fründschaftsspieli für de 11-er fuessball mit und trainiersch mit de anderne awärter für d'frauemannschaft mit.
übrigens en übertritt chasch no bis ändi märz mache, nochher nüm. aber wie gseit ich würd der empfehle zersch det go trainiere und denn so 2 wuche vor meisterschaftsstart de übertritt mache, wenn du der würkli sicher bisch, dass wettisch.
würdsch denn natürli din schatz nümme im training gseh!!!!
apropos schatz: du weisch scho, dass si nonig so alt isch wie du und ned alli teenager eso es lockers dehei händ wie du. dorum machsch ihre ekei gfalle, wenn du si zlang im uusgang bhaltisch. au wenns no so schön isch, es wäri besser, wenn si sich a die abgmachte ziite haltet!
das wäri wieder einisch ein "väterliche" typ gsi.

gruess joe

Nadia I. · Dauerschreiber Beiträge: 189 Ort: Wangen bei Olten

@joe

Jo also e han drum abgmacht, dass e nur eimol uf Wohle wör go trainiere und einisch uf Rinach...Se hend gseit, das wör goh...,aber emol luege e be jo scho einisch derte go trainiere und es esch eigentlech no guet gsi...
vo däm här wör e mi schatz emmer no gseh;-)

jep mer esch scho klar, dass se noni so alt esch, aber se hed unbedingt no welle bliebe und de chan e natürlech ned nei säge:-) und e meine me esch nur einisch jung und vo däm här söll me s doch gniesse und ned emmer das mache was d eltere wend:-) uf jede fall esch es voll schön gsi und scheiss hemmer jo ned gmacht vo däm här sölles die eltere ned so streng gseh....gäll schatz? und nächst wocheendi mache mer weder genau s gliche eifach nöimes anders;-)
aber merci för e tipp:-)

Liebe Gruess

Qendi · Gast

SALI ZÄME

Wie geht es euch so?Ich hoffe ihr habt morgen viel Spass,denn ich kann nicht kommen,leider...ich muss leider zum Arzt...

Hey joe isch das schlimm,wenn es e spitzguge gsi isch?

Jo ok..guet nacht....

Nadia I. · Dauerschreiber Beiträge: 189 Ort: Wangen bei Olten

dämfall chom e äuä ou ned.....mol luege....
l.g

joe haefeli · Vielschreiber Beiträge: 75

@qendi

nei es isch ned schlimm, dass es en spitzguge gsi isch. mängsich muessmer als guete stürmer sogar de schuss awände, will susch giengter ned ine. mir isch aber ufgfalle slescht mo, dass du no viel eso tschuttisch und da isch ned guet. also päss und so, wommer de zit het settet mit enere andere schusstechnik gmacht werde. spitzguge isch nur öppis in notsituatione, will si au ned prezis und berrächebar sind.
aber für da goht mer jo is training, damit mer die andere sache lehrt! oder ned?

ich wünsch dir viel "vergnüege" bim arzt - ech gibe s'programm vode nöchste ziit de nadia mit. si chas dir den jo am samstig gä.

@ nadia

wenn du ned chunnsch, will qendi ned chunnt, verstoh ich da ned! si isch ei möglichi neui spieleri und die andere sind alli scho lang mit dir zäme und die losch du im stich!
wenn d'secil nur is training chiemmt wenn au d'elena im training isch, oder die ander nur wenn diesi - wo chiemtemer do äne?

begriffsch da? also ich erwarte dech am siebni umzoge ide halle!

schlof guet - lg joe

Nadia I. · Dauerschreiber Beiträge: 189 Ort: Wangen bei Olten

@joe

okey wenn das en befähl gsi esch, de mach e doch das.....:-)
be eifach scheisse zwägg, aber e chan natürlech scho cho, kes problem...han dänkt e wod üch d stemmig ned verdärbe med mim sure grend, aber ebe....
e weiss eifach, dass e schnäll reizbar be zorzyt und jo chan halt scho si, dass es me verdätscht, aber esch jo glich han jo mis müsli wo mer seit wenns gnueg esch.....
nei spass bi site......e chome scho, aber i mim chopf spele sech unendlech velli gedanke ab und e be ziemlech grob dörenander....
also bes morn

@nadja

wenns möglech wär sött e morn dringend med der rede....weiss aber ned ob e s schaffe.....:S

Nadia I. · Dauerschreiber Beiträge: 189 Ort: Wangen bei Olten

nei sorry chome natürlech gärn is training, aber nadja der muess e werklech öbis säge und es werd ehrlech si nüd böses ehner öbis fraglechs oder wie de du das ou emmer wesch gseh...du darfsch me de aber ned uslache esch guet?:S söll e s der vor,nach oder während em training säge?....
l.g

joe haefeli · Vielschreiber Beiträge: 75

@ nadia und natürlich au für d'nadja :-D

ich wär froh, wenn ihr privati gspröch vor oder no besser nochem training würded füehre. will wie ihr bestens wüssed, hanis ned gärn wenn do gschnäteret wird, no weniger magis, wenn diskussione losgöhnd! und denn isches jo anschienend öppis privats zwüsche eu zwe, denn chönd ers au ned ufem bänkli bim usruebe mache, will do hetts jo links und rächts no anderi girls!

also so gspröch NOCHEM training, bitte!

nadja · Gast

i wörd ou vorschlo nochem träning...