Juniorinnen FC Menzo Reinach

Nadia I. · Dauerschreiber Beiträge: 189

mini zuekonft esch no ganz unklar, aber e weiss, dass rinach i mim läbe en wechtige teil gsi esch wo mer chraft gäh hed und e alne sehr dankbar be wo mer die schön zyt hend chönne ermögleche....es esch emmer schön gsi zu euch cho z schutte und e han me sehr wohlgfüehlt bi euch...e han mer emmer dänkt gha, dass es läbe ohni euch för me unvorstellbar esch. e han im gloube gläbt, dass sech mini wält nur no om rinach dued dreihe, aber jetz muess e öbis nöiis wage und emol chli us däm troum ufwache und weder echli meh id realität zruggcho....e wod jetz dermet ned säge, dass es ke röckkehr vo mer werd gäh, das esch alles noni so klar....e weiss ned, vellech wärde me es paar als mänsch vermesse, aber spelerisch dänk e mer han e i de letschte zyt nömme vell guets id mannschaft chönne brenge...e han scho mängisch ane röchtrett dänkt gha und e han das ou oft welle dörezieh be aber emmer weder weich worde won e de bi euch gsi ben und ehr mer weder en schöni zyt verschafft hend....e han euch aber s letschte halbe jahr nur mental chönne zor site stoh und e han gmerkt, dass mer öbis fählt...mer heds gfällt med üch a die persöhnleche gränze z goh und dodorch hed sech mis härz echli vo rinach entfärnt...e wod jetz ned säge, dass e je en sekunde won e med euch verbracht han due beröiie nei das esch ned eso...e han s sehr gnosse en teil vo dere mannschaft z si und e be emmer stolz gsi üchi entwecklige z verfolge....med däm bitrag send sehr vell emotione verbonde und alles won e gschrebe han chunnd vo tüfstem härze. e werde secher vell a üch dänke a alles wondervolle was mer bes jetz zäme erläbt hend und ou dra wien ehr mer us mine töifs use gholt hend und e secher en teil vo mim zrogggwonnene läbe üch z verdanke han...e möcht ned, dass ehr me ganz dönd vergässe, e werde med mim härze und mine gedanke emmer bi euch sehr nöch si...ehr alli bedütet mer sehr vell und e chan euch verspräche, dass mer üs weder emol wärde gseh, aber gäbed mer bitte die zyt won e bruche om med mer sälber is klare z cho...........
zum schloss möcht e dene persone no danke wo a me gloubt hend und nie d hoffnig i me ufgäh hend. es esch es sehr schöns gfüehl gsi euchi wärmi z gspöre...

in tüfer verbondeheit med euch
euchi nadia ingold

p.s es wäri schön, dass wenn mer üs s nächste mol dönd gseh ehr üche musikstel echli gänderet hend:-)

chönnt das echt öber de mannschaft vorläse?
Nadja chönntisch mer dä gfalle mache?
l.g