Juniorinnen FC Menzo Reinach

joe haefeli · Vielschreiber Beiträge: 75

@ nadia

wie gseit es freutmi, dass de obe und anschienend au zuekunft bi dir so schön gfühlvoll isch. die beziehig wird dir hoffentlich wieder chraft gäh und au schub fürs läbe. d'sicherheit vom partner, s'wüsse, dass mer en schultere hett um sich chönne azlähne nocherem schwere arbetstag, wird dir sicher über die problem hälfe wo du wirsch ha, ide umgstaltig vom flohnerläbe ines greglets arbetsläbe mit allne "scheiss-sache" wo mer muess schlucke......

ech fende es toll und es zügt vo riifi, dass dir din partner au grohte hett, du sellsch doch wieder go tschutte. will er weiss wieviel dir de sport bedütet und au devo, dass er weiss wieviel dir rinech brocht hett und ghülfe hett. ech freue mech au uf dis baldige erschiene im training. bald muess ned heisse, dass nöchst wuche scho chunnsch, bald heisst, denn wenn du au körpelich wieder besser zwäg bisch und du au psychisch wieder bereit bisch, um in rinech ufztauche. loss der deziit. ich teile dir denn no mit, wenn mer fründschaftsspieli mache und vorallem, wennmer ufem grosse platz tschutte. will das sind jo die spieli wo für dech bsunders wichtig sind.

also gnüss jetzt die wieder ufgflammti liebi und so au s'läbe (näbem schaffe, wo halt au eifach muess si) ohni, dass du eus in rinech ned ganz vergissisch!

heb en schöni, gfühlvolli, heilendi ziit! lg joe

Nadia I. · Dauerschreiber Beiträge: 189 Ort: Wangen bei Olten

@ joe

Merci för dini liebe Wort....
Nei e vergesse Rinach sicher ned und e be mega froh, dass er so reagiert hed....E dänke emol s Vertraue vo ehm mer gägeöber esch noni sehr gross, aber er hed mer dermet zeigt, was e ehm due bedüte und das find e eifach mega schön...Er esch eifach en mega Schatz und e dänke und hoffe ou, dass üsi Gfüehl förenander weder dönd wachse. Ben froh, dass mer echli Zyt gehsch und be der dankbar für dis Verständnis. Sone tolle Trainer muess me zersch emol fende...
Es goht mer jetz scho weder vell besser und e be froh, dass e dä Schrett gmacht han und natürlech ou, dass alles wo hed chönne guet laufe, guet usecho esch....
Er werd mer weder Chraft gäh med sinere Liebi und e dänke, dass jetz en Läbensabschnett werd cho wo sehr schön werd wärde und wo mini Seele weder vo nöimen loht loh ufläbe..
E han der sehr vell z verdanke, well du mer zueglost hesch und emmer s nötige Verständnis zeigt hesch...Das bedütet mer sehr vell........
E be höt gar noni gross zum schlafe cho ergendwie well e s chum chan erwarte ehn weder z gseh und höt wärde mer meh Zyt förenander ha und do er Morn ersch am Nommitag muess go schaffe werd dä Troum wohl höt sehr intensiv wärde. E fröie me scho mega druf.

So und jetz versuech e glich no chli z schlafe.
E hoffe, dass höt glich es paar is Training chömme und dass ehr es schöns, härzlechs und tolls Training wärded ha so wien e s due kenne vo üch....

Liebi grüess
Nadia

nadja · Gast

hey der wärded jo rechtig sentimental! mer chömed wörkli fasch d träne, ohni scheiss! aber nadia i gloube du hesch der rechtig gfonde! ond för dech fröi mi mega, dass ez do öper hesch wo deer zur siite stood!

Nadia I. · Dauerschreiber Beiträge: 189 Ort: Wangen bei Olten

@Nadja

:-) söll doch ou emol vor cho;-)
E be uf jede Fall voll Glücklech.
Be ersch gad heicho und han dänkt, do de
Joe gschrebe hed e söll üch ned vergässe, ben e gad
is Internet gspeedet und han gluegt, ob öber en Itrag gmacht hed:-)
Fröit mi natürlech, dass de för me duesch fröie...Merci;-)
E hoffe ehr hend gester es schöns Training gha...

Wönsche euch en schöne Tag
Liebi Grüess
Nadia