Juniorinnen FC Menzo Reinach

Irina (fc prattele) · Gast

hoi zämme ha dänkt schrib au mol öbbis bi euch ine! jo wünsch euch au no ganz schöni ferie mir händ erscht nechscht wuche :-(
wünsch euch au no e guete saisonstart und freu mi scho uf dr match wo mr gege euch händ! liebs griessli

Nadia I. · Dauerschreiber Beiträge: 189 Ort: Wangen bei Olten

Hey du

Soso mäldet sech üse Spion ou emol do im Forum:-)
Nei seich besch ganz en Liebi und findes schön, dass mer
enander hend;-)
In Rinach foht nächst Wuche d Schuel scho weder a...Das heisst jetz hend de d Basler ou emol ehri verdiente Ferie und d Aargauer müsse weder dehender goh:-) D Solothurner hend emmer Ferie muesch eifach me aluege:-)
De Matsch werd sicher geil mol luege wievell Goals mer däm Supergoali (der) wärde chönne ineschiesse:-)
Janu me ghört sech;-)
Hdmfl

joe haefeli · Vielschreiber Beiträge: 75

das isch jo ganz schön, dass sich au emol öpper anders do ine verewigt!

irina, ich bin au gspannt uf die neui saison, obwohl mer wahrschiendlich echli schwächer werde si. mer baue no es paari i, wo erst grad agfange hend, aber du weisch jo, mer sind en kämpfertruppe.

uf eusi direktbegägnig bini au gspannt und hoffe, dasses dasmol ned wieder en "final" isch, wo's no ume abstieg goht. Dä wäri für eus eh ekei schlimmi sach, will mer wänd s'nöchst johr en frauemannschaft mache und werdet do wahrschiendli no die ältere juniorinne defür bruche. falls da würkli eso chunnt, denn werde die jüngere girls eh ned ide erste stärchiklass chönne, welle spiele. mer händ aber ganz klar als ziel, dassmer de ligaerhalt wieder us eigner chraft chönne schaffe. das sicher au mitem hindergedanke, dass wenns mite frauemannschaft ned klapped, dassmer denni glich bide beste chöndmitmache.

i eusne trainings hetts emel ame scho a die 20 "wieber" wo tschutte wänd lehre. mol luege wies usechund und wieviel denn im mai, wämmer is müend entscheide, au no debii sind.

ech wünsche dir und dim team en guete start und viel freud bim tschutte.

lg joe

Irina · Gast

hoi zämme!
jo dr aargau het immer chli früener ferie hanis gfühl! und nadia vo dir wämmer nid rede! du wo jetzt ei joor lang ferie gmacht hesch ich möcht di denn bi dr arbet gseh :-)! nenei ich ha di jo au gärn gäll!!
leider fot aber au d'saison so huere spot a! jo ich hoff au für beidi teams das es nid widr um dr absteig goht! dr letscht match isch jo scho richtig kämpferisch gsi und ich weiss au das ich mängisch chli übertriebe han :-) bi nechschte match wo mir gege euch wärde ha wird ich aber im goal stoh höchstwarschienlich und ich hoff ihr düend mich chli verschone :-)
jo bi uns hets halt scho chli weniger juniorinne will halt scho alli 15jöhrige oder mängisch sogar no jüngeri zu de dame gönd! ich hoff au für euch das ihr das wärdet erreiche will es macht mehr spass( also ich red jetzt vo mir) uf em grossfäld schutte und au mit älterne lüt! also wünsch euch no schöns wuchenend und en guete schuelstart! händ ihr eigentlich nur 1 wuche ferie gha?
also fönd d'saison guet a und es liebs griessli

Nadia I. · Dauerschreiber Beiträge: 189 Ort: Wangen bei Olten

@ irina

uf din welle he:-) schrieb e halt no öbis derzue....
Du besch scho chli brutal gsi s letschte mol, aber mer hend der scho lang weder verzeiht:-)E meine wenn denne im Goal bisch bem Matsch, denne werds sicher lustig wärde....E nehme denne min Hund mit und säge ehre se söll di abälle und denne lohsch eh jede ine:-) nei mache nur Spass, aber du kennsch me jo....
E hoffe ou, dass es mit de Damemannschaft werd klappe, aber e dänke mer wärdes packe...E meine mer send jetz scho rächt vell....
Wär natürlech geil wenn das s Finalspel wör wärde und s in Prattele weder so vell Lüt hed wie du mer gseit gha hesch....
öhm du weisch jo, dass e ned vo Rinach be dorom säg e jetz eifach emol se hend zwei Wuche gha...Be mer eigentlech ziemlech secher...
Jo das wärs...
Hoffe du besch z frede med däm:-)
l.g

Irina · Gast

so d'nadia het mi zwunge das ich nomol e itrag söll schriebe! und wenn du mich am match chunnsch cho ablänke mit dr stella denn tschutt ich di bodewüscher aber drvo! :-) nenei das due ich ihre nid a! jo wenn ihr e dame mannschaft händ denn chasch du au widr mol amene match spiele und das isch doch öbbis oder nid? jojo ich weiss au nümm was schriebe! wünsch dene wo no ferie händ schöni ferie und wie ich scho öbbe zum 3. mol schrieb: vill glück in dr rückrundi!

Nadia I. · Dauerschreiber Beiträge: 189 Ort: Wangen bei Olten

@ irina

also zwenge cha me däm ned säge, aber du chasch di gärn als Spion oute:-) mini Stella esch ke Bödewöscher esch halt chli en chlini werd aber ou so gschid wien e wärde:-D
Stimmt de chan e endlech ou weder emol bi de Mätsch spele fröie me scho druf...wörd zwar gern emol gäge dech spele, aber das werd wohl ned möglech si....
jo also e höre uf süsch textisch me no meh zue med wenn bisch endlech fertig:-D

Irina · Gast

säg mir bitte mol wieso ich e spion sött si? das bögg ich nid ganz! die solothurner halt. isch widr mol typisch ;-)
jo was isch d'stella denn wenn sie kei bodewüscher isch? andersch chasch das jo nid beschriebe oder? :-) jo ich würd au gärn mol gege di spiele! im summer gang ich jo au zu de dame denn hämmer wenn mr glück händ mol e fründschaftsspiel gege euch! jo das wär denn no öbbis :-)

Liebe gruess

Nadia I. · Dauerschreiber Beiträge: 189 Ort: Wangen bei Olten

:-) do chasch ned de solothurner gschold gäh, be schliesslech die einzig wo so esch;-)
das med em spion han e der jo vorhär erklärt...:-D
d stella chasch ou als ganz liebs Hündli beschriebe....E meine esch halt chli en chlini, aber deför werd se en mega liebe Goldschatz för me wärde und de cha me se ned eifach als Bodewöscher bezeichne:-)
Wär sicher geil wemmer emol es fründschaftsspel gägenenader hätte...du im goal und e als störmerin:-) chunnd das echt guet?:-) e meine du hesch jo ned gross d möglechkeit me abe z schiesse e hingäge scho:-)
so das längt;-)
l.g
hdl