Juniorinnen FC Menzo Reinach

Nadia I. · Dauerschreiber Beiträge: 189 Ort: Wangen bei Olten

Salü zäme

Do e jetzt s schlemmste öberstande ha u nor no wenig fieber
han schrieb e do jetzt weder emol ine....
Also es goht chli dodrom, dass e i de letschte zyt z vell vor
e chopf gstosse becho han. Im wenter esch es so, dass
e ned darf chrank wärde u we doch denne muess e gad alarm schloh.
Ehr chönneds jetzt äuä ned so rächt verstah, aber esch jo glich.
E wär gärn is training cho die woche, aber de heds me äuä deftig zämegleit u das han e ned onbedengt welle.
Nächst wuche muess e luege. Do ehr jo am Zystig en matsch gönd go luege, werd e vermuetlech ned cho...Am donnstig wenn e ke schmärze me han u vorallem ke fieber me, de werd e is training cho.
Logischerwis chum e de aber am samstig zo 100% we ehr gäge mi ex ex club dönd spele...e wed, dass ehr derte üches beste gäbed, dermet ses nömme so höch im grend hend wie jetzt. E han no med es paarne kontakt u die säge emmer menzo schlöh mer locker. de säg e emmer nei eh ned. menzo werds üch scho zeige, well mer es team send u chönne kämpfe. e hoffe also, dass ehr me ned dönd enttüsche. e wär scho stolz uf üch wenn e gseh, dass ehr a üchi persöhnlech gränze gange send o wenn ehr wörded verlüre. denne chan e säge lueg ehr hend zwar verlore, aber es esch scho gued so, well ehr zäme kämpft hend u ned ufgäh hend. Olte also d Isebahner hend es guets zämespel. se chömme med wenig päss schnäll vor s goal u schiesse de o gad. Ehr müessed eifach luege, dass vorallem d verteidigong u de goali sech ned löhnd loh drusbrenge, well se mängisch dönd d positione wächsle. e weiss zwar ned ob se das o gäge üch wärde mache well se eh dänke, dass mer nüd send, aber das stemmt jo vollkomme ned, well e weiss, dass ehr s droffe hend die z schloh.

so e muess weder go legge.
wönsche alne en schöni wuche
liebi grüess
han euch ali mega gärn
bes bald

www.nadiaingoldsalvini.ch.vu

joe haefeli · Vielschreiber Beiträge: 75

hallo nadia
es freut mi zghöre, zläse, dass du langsam aber sicher wieder ufem wäg zur besserig bisch.
wenn du scho weisch, dass du ned settisch chrank werde, warum vorderisch den ame use? in turnhose und liechtem "italie"-dress goge trainiere und ohni warmi jagge nochem training ufe zug? sicher hett au s'wetter gäge bade echli mitgspielt.... aber lömmer da. lueg in zuekunft echli besser ufdi!
jo am zystig gömmer goge de cup-match vom eis in mänzike gäge de 2. ligigst lenzburg goge luege. das anstatt training. am dunstig isch den wieder normale unterricht am 7.
no en erfreulichi mitteilig: es isch scho wieder e neui spieleri cho. d'manuela oder churz d'mänu. si hett curz vor schluss vom erste training mit hochrotem chopf gseit: "gopf ich ha gar ned gwüsst, dass da so geil isch!" und au am dunstig ischi begeisteret gsi. mol luege wiesech da wiiterentwicklet.
noch de freudige mitteilig no en chliine vermuetstropfe: d'iisebahner wänd de match verschiebe, will si nur no 6 spielerinne seged am 9.10.! fair wie mer send, hämmer natürlich igwilliged und de match setti jetzt als letschdi partie am 6.11. ustreit werde. de schlömmer si halt denne!
so, und jetzt trink no es teeli und deckdi guet zue.
en schöns wucheändi wünscht der de joe

Nadia I. · Dauerschreiber Beiträge: 189 Ort: Wangen bei Olten

Salü Joe

Stemmt scho e muess jetzt verdammt ufpasse.
Be so wies usgseht gad no knapp dörecho.
Han die wuche noni emol en ziggi graucht well e schlemm halsweh han
u mis härz zieht zom glöck nümme so fescht. Gseh zwar us wie es Alien zorzyt, well mini auge ufgschwolle send, aber esch jo eigentlech glich:-)
de beni hed emu ned vell dergäge:-)
Wes no witer so gued lauft, denne darf e de endlech weder
med miner chatz in wald go laufe. se esch schösch scho gnue moff....
Chome de jetzt emmer med wärmere chleider is training....
Fröit mi, dass weder öber nöis cho esch. schad esch de matsch gäge olte ersch so spät. Eini vom ESV Olte gaht drum med mer id schuel u denne chan e se wäge däm chli höch näh:-) werd secher wetzig.
Ehm jo Tee trink e persöhnlech ned. Han do anders zügs wo besser werkt. Esch zwar mega grusig, aber einisch im Tag muess e dert halt döre....
Jetzt gon e weder a miner lieblengsbeschäftigong noche u go gloubs weder emol chli go schlafe.

Schöne tag no
bes bald

www.nadiaingoldsalvini.ch.vu