Juniorinnen FC Menzo Reinach

fcmenzoreinach · Administrator Beiträge: 21 Ort: reinach

wie händer die träningswoche gfonde?

Nadia I. · Dauerschreiber Beiträge: 189 Ort: Wangen bei Olten

mer hed d trainingswuche eigentlech sehr gued gfalle.
e be zwar ned emmer derbi gsi:-), aber e han secher öbis i dere wuche chönne lehre.
es hed mi mega gfröit, dass e jetzt no bi euch chan schutte u hoffe, dass es en schöni zyt werd.
mer hätte hüd eigentlech em joe no chönne danke säge, well er sech zyt för üs gno hed.
e maches mol uf däm wäg. also merci joe för die wuche u e dänke es hed allne gfalle u jedi hed öbis chönne dervo mednäh..

liebi grüess

www.nadiaingoldsalvini.ch.vu

joe haefeli · Vielschreiber Beiträge: 75

hoi zäme
d'trainingswuche isch wieder einisch guet gsi! klar isches echli id'knoche und mer hett mängisch überwindig brucht um scho wieder ufe platz stoh und öppis sportlichs mache, aber alles i allem isches denn scho guet cho.
schad isch nume, dass ned alli wo do gsi sind die glägeheit gnützt händ und wenigstens es paarmol cho sind.
füre teamgeist hett s'übernachte, de mittwuch mit zmittagässe und billard und sicher au s'frittignomittag training mit 10 spielerinne sehr guet do.
ech danke dene spielerinne wo a dene lektione teilgnoh händ für ihre iisatz und defür, dassi ide ferie a sehr schöne täg ned id badi sind, sondern goge "tschutte".
mit dere istellig packemer am samstig euses ersti ziel und chömmed im cup wiiter und denn gömmer uf bremgarte goge fun ha und am samstig druf uf punktesammlig ide meisterschaft! AUF GEHT'S!
gruess joe

fcmenzoreinach · Administrator Beiträge: 21 Ort: reinach

sali zäme
ou wenni eigentlech nöm zu dere mannschaft ghöre beni gärn debi gsi! wie ou anderi han ou ich müesse chli dörebisse ändi woche. blootere händ ned lang uf sech lo warte ond ou d moskle händ met de ziit mol welle chli en pause mache. aber d motivation esch s team gsi. es esch wörkli en glongni woche gsi, uf sportlecher ond mentaler/fröndschaftlecher ebeni. i has toll gfonde vo allne wo debi gsi send, dass si cho send. speziel em joe wetti danke säge, dass er das met üs gmacht het. die wo debi gsi send chöned ez secher metemne guete gwösse i die nöi saison go dörestarte! die andere mönd halt chli bisse... s öbernachte hani mega lässig gfonde. i hoffe de teamgeist bhalte der die ganz saison döre egal was passiert! i dröcke üch ganz fest d düme för nöchschd saison! i chome den amigs ad mätsch wennis ergendwie schaffe. mis härz ghört uf riinach zu dere mannschaft.....
gänd gas ond zeiged was der droffe händ! üchi nadja

Nadia I. · Dauerschreiber Beiträge: 189 Ort: Wangen bei Olten

jo e hoffe, dass mer am samstig en sieg wärde hole bi üsem erste
match ohni d nadja u de tanja. es werd dänk no chli es chaos hende gäh, aber das brenge mer hoffentlech o häne.
am sunntig de das turnier in bremgarte wo mer hoffentlech vell spass wärde ha zäme. dert spele mer de gäge mi fast club em fc aarbig. derte wed e de zeige was se a mer verpasst hend:-)
jo luege mer eifach mol. e fröie me, dass d mätch weder aföhnd u e hoffe, dass es weder so geil/schön werd med euch wie ir letschte saison won e han dörfe bi euch spele. es esch eifach mega schön med euch u e fühle me extrem wohl. das han e nonie bimene verein gha. esch voll de hammer:-) das ged mer ergendwie o chli chraft, ufhöre z rauche...schad chan e ned gäge olte spelä. naja was sölls. e hoffe mer wärde kämpfe bes mer omgheie( also ned wortwörtlech näh) u weder so spele wie mers letscht saison gmacht hend....ond emmer dra dänke, s wechtigste esch ned en sieg, sondern eifach, dass jedi vo sech chan säge, dass se a ehri persöhnlech gränze gange esch. es werd hert, aber e gloube fest dra, dass mer ir 1.stärcheklass o chönne en guete fuessball zeige. e wönsche alne en schöne fritig. bes am samstig. fröie me. liebi grüess

www.nadiaingoldsalvini.ch.vu