Juniorinnen FC Menzo Reinach

Nadja Tschopp · Gast

sali zäme!
i fends cool, dass mer so vel nöi jongi dame händ chönne vom tschutte öberzüüge. mer händ weder en lostigi troppe zäme! schad fendis eifach, dass es die 'alte hase' sech nöm i erer alte stärchi zeiged, was s träning ect agood...
i wönsche üch höt vel erfolg bim matsch gäge aarau!
hüg nadle

joe haefeli · Vielschreiber Beiträge: 75

hallo Nadja und alli andere
du hesch scho rächt, es macht richtig freud zgseh wie sech die nöie astränged und au scho guet sind. grad die viele neue junge spielerinne erlaube eus für die nöchsti saison wiiterhin füre frauemannschaft zplane und devo zträume. klar es fehlt is immerno en goalie! aber lömmer da, wennmer alli wänd tschutte, den findemer schono eini wo d'händsche aleit, oder ned?
was mech in letschter ziit echli beunruhigt isch, das wo du asprichsch. die spielerinne wo scho länger tschutte, die zeige nümme de iisatz wie früehner, nümme die disziplin. mithilf vode junge, willsi au scho päss händ zum teil, chani denne aber schochli druck ufsetzte, wills jetzt halt 18 meitli sind und nume 14 chönd ufs matschblatt und spiele. eso chani au emol eis dusse loh, wo halt ned trainiert het oder sech ned entschuldigt hett.
ech muess klar feststelle, dass das lang ned alli betrifft, aber scho einigi. es mag jo si, dasses wieder besser goht, wennmer wieder regelmässig tschutted. jetzt isches halt schochli lang gange.
wie du mech jo kännsch, so dänki immer positiv und dorum bini überzügt, dassmer da in griff werde übercho und au so rückschläg wie möglichi wächsel uf sursee werde chönne wegstecke.
ech wünsche dir au uf dem wäg no gueti besserig und hoffe, dass du bald wieder voll chasch sporttriebe.
lg joe