Forum motofun.ch

putzfrau · Experte Beiträge: 266

...alli mitenand

mit 27gi bini zwar scho es momäntli us de schtifti duss aber ich ha dänkt, ich chönn ja trotzdem bi oi mitmache. psunders wänns i dem forum ums töffle und game gaat.

ich ha mini schtifti als elektroniker, fachrichtig computertechnik gmacht. während de schtifti hani au no d'bms bsuecht und ha dank dem no d'bruefsmatur i de hand. das gittmer d'möglichkeit bi allne mögliche hochschuele ohni uufnahmeprüefig anezcho. schpöter hani dänn no pruefsbegleitend d'technikerschuel für kommunikationstechnik gmacht. ehner zuefällig bini aber in bruef ine grutscht woni jetzt uusüebe. ich bin programmierer ime chliine ingenieurbüro.

mini freiziit isch uusgfüllt mit töff fahre oder au meche, liechtathletik und musig mache. im winter chunnt no s'schiifaare dezue. vor es paar jahr bini mal no begeischterete modellbouer gsi aber hauptsächlich autos und nid flüüger wie de papajoe. irgendwänn mueni das züg mal wieder fürenää...

fallser no mee frage händ, schtelleds eifach

gruess us winterthur
putzfrau

____________________
wo die kacke dampft ... ist es kalt!