Forum motofun.ch

putzfrau · Experte Beiträge: 266

luegsch, dassder der grind nid iischüssisch. weiss ja nid wies i oiere gägend isch aber bi ois schpinned di junge uf de schtrass. psunders die mit dene "günschtige" schportwägeli wie de corrado eine isch.
vor nid allzu langer ziit häts de sohn vome fahrleerer bi ois butzt. gfaare wie e sau und nid aagschnallt gsi. bi zuefällig a de unfallschtell verbiigfaare wos nonig ganz uufgruumt händ. de 3er bmw isch z'hudel und fätze gsi. ich schätze mal, de jüngling isch i oiem alter gsi. jetzt luegeter d'rüebli vo une aa... tönt vilicht hert aber ich ha kei mitleid mit sottigne. das sind genau die wo no unschuldigi mitziend...

gönds am aafang langsam aa und halted oi a das woner gleert händ. d'gschwindigkeit chunnt vonelei mit de routine. isch genau gliich bim töff. die wo meined, sie seiged d'ultramacker uf de schtrass wo aber no keinerlei erfaarig händ, die ligged früener oder schpöter im grabe...

was au sehr nützlich isch sind schlüderschuele und fahrsicherheitstrainings. 1. bringts oi en huffe, will er merked wie es auto reagiert wänns plötzli nümm hebet am bode oder wie vill dasses mag liide i kurve, usw... 2. gaat oi d'autoversicherig mit jedem kurs e bonusstufe abe - es wird also billiger...e versicherig wo nid uf das iigaat würi grad garnid abschlüsse. kläred das grad ab wänner vortanzed deet.

____________________
wo die kacke dampft ... ist es kalt!