hallo zämä!

ha dänk schribe o wider eis öbis dri! ja ersch simer no di chlinä cheibä gsi wo dlehr agfange hei, und jetz gömer i däm jahr scho a Prüefig verdammt geit das schnäu!!

Wünschä aunä e schönä hinech gruess fäbu

Ja Fabian, so isch das, das geit schnäll. Gli bin i scho äs halbs Jahr pensioniert, die Zyt isch o für mi schnäll verbi gange.

Mir gsen is ja wider am QV-Förderkurs wo i euch darf gä. Hesch di agmäldet?

ja so isch das!!

ja i ha mi agmäudet!

gruss fabian

HEy zämä

So o ig mäude mi o wiedermau :-)

Ja die cheibe zit geit verammi schnäu düre. Voreme jahr hani o d Prüäfige gha vor Zuesatzlehr, när de grad ab id RS u iz hani vo letscht dr erscht WK ono abgschlosse. Isch scho grad chli aus uf eim hufe cho. Aber ja, iz bini ömu chli am temporäle...... :-)

SO i wünsche aune no e schöne abe u häbes gäbig.

Gruess

U de Benu, hets dr jitz gfalle im Militär, du bisch doch fasch süchtig gsi drna...
Potz, potz scho ne WK gmacht! Wotsch nuid Bruefsmilitär wärde? Das wär doch öppis für di!

Jitz tuesch temporäle, das chasch äs Zytli tue, aber de muesch wider Gas gä, z.B. Richtig Chefmontör; - unbedingt, oder äbe Bruefsmilitär.
Ch mer vorstelle dass de jitz d' Schuel gärn de a bekannti Nagel hänksch, das darfsch, - aber äbe nid z' lang, nächher muesch wider Gas gä. Wet lang nüt me machsch, geisch nüm drhinder, also nid z lang warte, zuekünftige Chefmontör, KLAR?

Ä liebe Gruess

Auso so militärgeil bini o nüme, has den ir RS scho ir 2te wuche müäsä sägä dases für nüt isch. Has de o gschafft dasi nid mues witermache, wöu ds bruefleche isch äbä scho grad viu wichtiger aus d armee. Si heimi drum us Lt. wöue u es het sächs gspräch brucht dasi mi nid nämä

Ja iz bini no 2 mönet temporär u när hätti 3 feschtaschtellige i ussicht. Wett när äbä schono chli witerbiudige mache. Entweder i richtig Chefmonteur oder Schweisser mässig öpis. Was mi ono würd gluschte wär Chäutemonteur aber öps öpis würd bringe mit denä usbiudige woni scho ha isch o fragwürdig???

gruess

____________________
Meine Knochen könnt ihr brechen, meinen Glauben nicht, mein Wille ist unantastbar!!

Aha, hets em Benu o chli abglöscht im Dienscht...

Mi Antwort isch ganz klar: Chefmonteur, de hesch ä gueti Grundbasis. Chasch ä Abteilig füehre, darfsch Stifte usbilde, usw. Tue di erkundige, süsch remer mal zäme, i hilfe dr gärn. Bi scho froh dass de seisch: I fahre witer!

Gruess

Ja das Agebot nämi gärn a. Aber i warte iz nochli u tue no chli Bruiefserfahrige sammle. U när chame sicher soöpis i agriff nä weme no e passende Sponsor de o het zbsp. e Betrieb oder so.

Gruess u no ä schöne abe