Hallo zäme, bi hie ir Schuel, obschon Sunntig isch,(grr). Gseh dä Bitrag: Mi meinig isch glich wie die vom mim Fründ us Dütschland.

I ha mis Sturmgwehr dermasse vili km uf em Buggel gha u mit umegschleift, das ig das Chlepfschit o nach em Militärdienscht ha welle bhalte. Drzu het me muesse so gloube ni no swüsse - di 3 letztesch Obligatorische u 3 Fäldschiesse chönne vorwise. 

Ds Sturmgwehr isch uf Einzelschuss plombiert worde, Seriefür isch also gsperrt. I ha geng gmeint i sigi ke Militärchopf, aber uf mis Gwehr bi ig stol gsi, das gibeni nid häre.
Nöierdings git me jitz ja d Munition nüme hei, das isch wahrschinlich richtig. Psychologisch ghört aber ds Gwehr zumene Schwizersoldat, - da derzu standi.

Wenn eine wott, cha jede - o we d Sturmgwehr im Züghus si - da bini überzügt äs Gweht uftribe u drmit leider Unheil arichte, d  USA lö la grüesse.

Munition im Züghus, ds Gwehr dahei.

____________________
Geh oft den Weg zum Haus deines Freundes, denn Unkraut überwuchert sonst den unbenutzten Pfad!