Forum motofun.ch

Major Payne · Erstellt: 17.12.05, 10:41 Betreff: Re: wie stöt dir zum militär

Sälü zämä!

Militärdienst?? i dänke das duet jedem guet, sogar mir.-)

I ha afä infotag gha, ha auso no kei ahnig wasi wot mache! dr reiz wär scho da für grenadier, aber wär let sech scho gärn dr ganz tag la *fige* :-) 2. längds vilich punktemässig gar nid derfür!

gruss payne!

!!mike!! · Dauerschreiber Beiträge: 44 Ort: Spiez

Hey i wot zude fallschirmufklährer!!! isch öpper vo öich scho mau gsprunge??!! weder glägeheit hättet de machets uf jede fau!!!!!!!!!!!!

____________________
Wenn du schnell sein willst, dann gehe alleine.
Wenn du weit kommen willst, dann gehe zu zusammen!

putzfrau · Experte Beiträge: 266 Ort: effretikon

weiss nid öb ihr würkli wänd ghöre wieni zum militär schtaa wänni da so eui biiträg lise. vor de rs hätsmi eifach aagurkt, willi nid so gnau gwüsst ha was da uf mich zue chunnt. bim schtelle hätsmer scho s'erschtmal abglöscht wies deet zue und her gange isch. nid nume wäg de vorgsetzte sondern au wie sich teil lüt benoo händ. i de rs händmer di vorgsetzte gschtunke. mit mir chamer aschtändig rede und dänn machi au wasmer gseit wird. wännmi eine aabrüelet lachen höchschtens us - das hätmer au ab und zue ärger iibrockt... oder so sinnloses züg wie liegeschtütz im nasse gras am morge bi knapp über 0 grad. näbedra hetts en trochne teerplatz gha. chani nid ernscht nä - hätmer fascht knacht iibrockt wäge befehlsverweigerig... guet, d'ziit vo de rs gaat au verbii. im wk erläbsch de absoluti witz. di diräkte vorgsetzte händ kei ahnig, chönd sich aber irgendwie organisiere. je höcher de dienschtgrad deschto weniger ahnig aber wäg de grössere verantwortig passiert no de grösser bockmischt. es isch unorganisierts chaos. dezue chunnt, dass d'hamburger jedes jahr no de grösser läckjmeramarsch schiebed und no mee quer schlönd. früener hätmer guet mal chönne es päuseli mache i de beiz oder nach abgschlossner arbet es bier go trinke. jetzt hät jede s'gfüül, er mües garnütme tue und so wird au grundsätzlich nütme duldet. es wird immer mee zum rs-figg. ich ha uf e art no glück, will ich amigs i de werchschtett hocke und nid bim ganze chueche debii bi. mir sind amigs mee oder weinger autonom und chönd au no nach "alter" art funktioniere. und solangmer funktioniered seit au niemert öpis wänn am abig es füür vor de werchschtatt uss brännt und es fleisch heiss gmacht wird. dezue literwiis bier. eifach mueses halt abem andere morge früe wieder funktioniere.

ich bi froh chani bald abgä. dä souhuuffe wird immer schlimmer und unorganisierter. vorgsetzti wo no nie en funktionierende dienschtbetrieb gsee händ werded uf d'lüt losgla. zugfüerer und hamburger - das isch s'letscht. inere andere kompanie hämmer en kadi gha wo hamburger gsi isch - kataschtrofe!!! usserdem sind di junge immer kataschtrofaler. kei aaschtand, kei arbetswille und kei aanig. schlimm...

____________________
wo die kacke dampft ... ist es kalt!

Ambord · Erstellt: 21.11.06, 11:56 Betreff: Re: wie stöt dir zum militär

Am liäbäsä würdi zu dä MP Grenis. Mau luägä obs längt!

Gruäss

____________________
Freiheit, Gleichheit, Brüderlichkeit

General Schmid · Erstellt: 21.11.06, 18:03 Betreff: Re: wie stöt dir zum militär

Langsam weissi nüme was mache im Militär. siti am Heerestag bi gsi weti huere viu mache aber dr grösst Troum isch geng wi meh Grenadier wüu dert wei au nit so wi bide Füsilier oder angerne orte.Am liebschte weti öpis aspruchsvous o vom Körperleche här.

aberweni itse würd at Ushebig ga wäri Körperlech nit uf dr Höchi woni müesst ha ämu zkontitionele wär sicher äs Problem bi mir.

e i ha no chli zit bis zur ushebig bisi zwäg bi

____________________
Dumm ist der der dummes tut

Dr' OberSimmetaler · Experte Beiträge: 132 Ort: Zweisimmen

Semper Fidelis!!!! I bi stolz mim Vaterland ds diene. Mir chöi üs glücklech schetze chöi mir so schön läbe. Isone!!!!!!!!!!!!!!!!!

knefr · Experte Beiträge: 176 Hobby: Literatur, Wandern

Hallo Leute - wäge paarne Lööle - si no lang ni all Chefe eso - knefr (Rgt Kdt Stv 1993 - 1997)

Dr Frutiger · Erstellt: 22.11.06, 12:58 Betreff: Re: wie stöt dir zum militär

I ga eifach i zmilitär. Wirde aber sicher nid greni mache oder füsel. Muess no luegä was. I ha no lang zyt bis so wit isch.

____________________
Lebe dein Leben so, dass du an deinem Todestag sagen kannst: Ich habe gelebt und es war geil!

Edis · Dauerschreiber Beiträge: 42 Ort: Spiez Hobby: Fuessball

I findä jede Schwizer söts militär mache.... was si scho 6 mönet vom läbä gar nix nämlech und wemes einisch het gmacht het mes ja när hingersech....

grusss

The World is yours.....

Gerber · Erstellt: 23.11.06, 00:01 Betreff: Re: wie stöt dir zum militär

Auso i wirde sicher zum Militär ga..

Wemä da so ghört wieviu das sich drückä wägä angeblecher `"Untauglichkeit"`

Mi dünkt das söt mä doch eifach mau erlebt ha..

I wirde sehr wahrschinleh öpis i richtig Fahrer mache irgendwie Panzerjäger Fahrer oder so..

Liebe gruess