Rennradforum Leipzig

peso · Forensuperguru Beiträge: 3034

Knecht Rupprecht

Text: Karl-Heinz Großmann (nach Th. Storm) / Ton Peso

Klick

Draußn van Barch dou kumm ich rou
Geläbt mersch, es is schä de Schnia dou!
Uem auf die kraakn Fechta Spitzn
Secht me golda Lechtla sitzn;
Un duem ausn Petrus seiner Tür
Guckt mit grueßa Aachn es Christkindla vüer.
Un wie ich su streif dorchs finstera Toel,
Dou scheits uem rou: "Hör amoel,
Knecht Rupprecht, du guter Borsch,
Bewejch dich fei un mach a weng forsch!

Die Goelechter brenna schä an Baam,
Es Weihnachtsfest ist fei niä ner a Traam,
Grueßa und Kleäna ham jetzt Paus,
Mit Schörchn und Wörchn is erschtemoel aus,
Un morchn flieg ich nou auf die Walt
Dou bezoehl ich in Bravna ihr Weihnachtsgald."

Ich souch: "Ha guter Weihnachtsma,
Ich bin aa schä mit der Bescherung draa.
Ich muß ner noch nie dare Stadt,
Wus lauter guta Kinner hat."

A socht: "Host da in grueßn Souck dabeo?" -
"Nu freilich, dan hou ich, un es Scheckbuch nei,
Kaugummi, Riechl, Banana und Biärn
Assn die Kinner ölla gern."
"Un die Rut, host da dei Rout bei de Händ?" -
"Kää Angst, die Rut, die wörd ümmer verwend't,
Ouwer ner bei die Stinker, die Firlefanzn,
Bei dannerna tut mi Stackerla tanzn."
Der Weihnachtsmann socht: "Su is racht,
Unner Hergott dankt dersch, treuer Knacht." -
Draußn van Barch dou kumm ich rou,
Geläbt mersch, dor is schä Weihnachtn dou.
Nu gabbt zu, wie traft ich eura Kinneria aa,
Sen sa brav un artig ouder machn sa Trara!?