Juniorinnen FC Menzo Reinach

joe haefeli · Gast

d'nadja hett rächt gha, ech bi bis jetzt nüm dri goge luege und han daher au ned chönne reagiere.

es git jo es sprichwort: "do seit de ein esel diesem lang ohr!" und genau eso chömmed mir die letschte biiträg ine. im grund gno hämmers alli schön, aber mer wärfed am andere vor, dass ers schön hett!

jo ich stohne dezue. mini arbet isch schön, mis läbe isch schön und ich bin froh, chani eso schaffe! klar het jede job, ech zelle jetzt emol schuel als job dezue, sini härtere siite, aber schlussändlich isches jo wichtig, dass mer das womer macht mit freude macht und denn isches au immer wieder schön und lässig! oder ned?

d'andrea hett au no nie en hockey usrüschtig agleit und scho gar ned en goali-montur! und öb mir den gnueg goolchance händ um dini paar fählerli uszbügle gsähmer den no. ich cha der nur säge, gooli si isch en härte job bim hockey. di stohsch zwar praktisch nume, aber de schweiss lauft der nur so abe!

also ech gohne jetzt wieder echli go schöggele und freue mi ufe fyrobe! bis am sunntig ufem iisfäld.

phippu · Stammgast Beiträge: 34 Ort: Zetzbu

hey nadle du chasch di jo rechtig guet wehre, ned schlächt. Aber muss scho säge min schöggeler het aso scho rächt was er do gschrebe het.

@joe....da i de jo nie gsehne schrieb i de gruess vom mäneli ond de chefin do ie ond du selsch doch weder mol cho;)

Nadia I. · Dauerschreiber Beiträge: 189 Ort: Wangen bei Olten

Wönsche euch de viu Vergnüege bi euchem Ishockeymätschli;-)
Dönd de ned z weld......und schriebed do de chlei ine was ehr so gmacht
händ......
L.G Nadia

joe haefeli · Vielschreiber Beiträge: 75

@nadia
danke für dini guete wünsch, ich bin überzügt, dassmer de plausch werde ha, au wenn mer en starchi mannschaft als gägner händ. aber mer kämpfe si abe und wenn d'nadja ned ganz eso rünnt wie es löchrigs sieb, denn hämmer au en chance! ;-) ech, oder mer schriebets dir denn.

@phippu
danke für de gruess - die stunde mit "dine" fraue (chrigi und mäneli) sind schön, unterhaltsam und informativ gsi. gern chumi uf die "iiladig" einisch zrugg und bsueche dini chefi und s'mäneli wieder einisch.

nadja · Gast

Jo sali zäme!

I gse, i ha weder einiges verpasst… i holes aber grad noche! Also zerscht mol wetti im joe gratuliere, du besch ez nömme junior sondern scho stammgast ;-)

Den muessi em joe ou grad chli rächt gä, eigentlech händ mers jo alli ergendwie schön ond schösch sorge mer deför, dass mers schön händ. Es ged eifach so lüüt wo den emmer so tüend, als ob sis total stressig händ obwohl da ned de fall esch....... ;-)

I wörd ez mol behoupte grondsätzlech esch kanti ned mol so easy, aber i han en möglechkeit gfonde wie mer die ganz sach met minimstem ufwand hender sech brengt: chorz ond schmärzlos!

Den zude ishockeysach.... mer chöne jo höt obe no luege wie mer das möched metem alege. Mis grüste problem wird äuä si, dassis ned schaffe 2 stond ohni, dassi ufs wc muess! Aber ebe ou das wärde mer meistere...

Den chomi mol zum phippu: hesch aber ned öpe s gfüel gha, dassi das loone uf mer so lo beruie, oder!? I wehre mech bim joe oder besser gseid bi s’haefelis gondsätzlech, öbs händ ond füess hed chani mer den emmerno öberlege......... houptsach esch, dassi öpis gseid ha ond ned nor de joe red!

Also ez gangi mi mental go vorbereite ;-) bes höt obe! I fröie mi ez scho mega!

nadle