Juniorinnen FC Menzo Reinach

nadja · Gast

hey lüüt, mer esch de pc total abgstörtzt am mettwoch ond ez esch alles woni död droffe gspeichered han weg... dorom mönd ehr üch chli gedolde wäge de hp ernöierige ond so... föteli, brechte ect muessi halt ez zerscht mol weder mache.
jo den esch mer zu allem onglöck gester no öpis doofs passiert. mer händ em torne de saltoabgang bide reng güebt ond naja den hani eifach ned losglo, das heisst i ha en dräig gmacht om 360 grad om d scholtere, das esch jo ned onbedengt gsond, weder förd bänder no förd moskle.... aber eigentlech dörfi mi glöcklech schätze, wel theoretisch müessted ez d scholtere uskogelet si :-) i has sälber ned tschegged weli gar ned gwösst ha, dass da goot, aber ergendwie....
naja i hoffe uf chli meh glöck ide nöchschde täg... :-)
en liebe gruess vo mer

Nadia I. · Dauerschreiber Beiträge: 189 Ort: Wangen bei Olten

;-) du besch mer eini.....
Guet dass dir ned meh passiert esch....
Hesch i däm Fall weder emol en guete Schötzängel gha....
Gueti besserig.....
Bes gli emol
L.G
Nadia

joe haefeli · Vielschreiber Beiträge: 75

das esch jo wieder emol TYPISCH Nadja!!!!!

aber gliich guete besserig au vo mer ......

lg joe

nadja · Gast

so i han wedermol en pc chönne usfendig mache wo fonktioniert :-)
merci zerscht mol för üchi genesigswönsch. ond öbrigens joe, so vowäge typisch nadja... i neme ned a, dass du losglo hätsch wenn onder der nor no de bode chont! ond i cha jo ou nüt deför, dass mini scholtere anschinend chli glänkiger send als si sötted! nor die dezueghörig moskulatur esch dommerwiis ned passend dezue träniert, i han also en zemleche kater gha.... ond sowiso joe, i wet dech mol gse en saltoabgang z mache.... :-)))))))))))))))))))))))

och mann es esch mega langwiilig ohni träning.... chönnte mer ned ave mol eis loufträning ha pro woche, bes mer wössed, wenn mer id halle chöned?

ond öbrigens joe.... hesch gse basel esch usem cup gheit :-)

also demfall me ghört sech... tschüssli zäme!

ps: joe, du ghörsch ez scho onder 'junior' met diner bescheidene azahl biträg, esch doch secher erfröilech för dech, wenn wedermol als junior agsproche werdsch ond ned emmer als veteran ;-)

joe haefeli · Vielschreiber Beiträge: 75

hallo Nadja

ech bi scho immer en hirsch gsi im grätturne..... und mer händ bide ring, schaukelring heisst das glaubi, wenn mer so hin und her schwingt, au en art salto gmacht bim abgang! so vorne ue, bei zwüsche de händ düre und denn losloh, wenn hinde abegoht. und ech glaube da mitem losloh hesch du ned ganz begriffe! du muesch scho losloh bevor d'bei wieder am bode hesch! ;-)))))

wägem training, so schriebi die wuche s'programm und mer chönnd jo denn ide halle abmache, öbmer is einisch ide wuche zum freiwillige jogging wänd träffe, womer den au ufe platz würde goge tschutte, falls es schnee druf hetti.

sicher isch, dass die wuche no nüt esch, will mer händ ame am mittwuch d'halle und adem mittwuch weissi nonig wenni fürobe han. dorum.

ech hoffe es göchder gli wieder besser, damit mer der wieder uf d'schultere chlopfe chönd, wenn öppis guets gmacht hesch!

lg joe

nadja ide ässensphilosophie · Gast

sali joe
i gloube du gsesch da scho rechtig, i ha de momänt vom loslo noni ganz dosse, emu am ledschde do ned. schösch chani de saltoabgang nämli, so nome näbebi bemerkt ;-) aber grätetorne (öb reck, reng, bare oder was ou emmer) beni no nie guet gsi ond werdes äuä ou nie si.

din vorschlag zum träning fendi tip top! ond das chline sätzli am schloss zum ufmontere fendi flott :-) aber met oder ohni verlezte scholtere muess sech zerscht mol en glägeheit ergä, wo mer mer chan ufd shcolter chlopfe.... :-) aber eigentlech esch si scho weder ganz guet zwäg, üchi besserigswönsch händ igschlage wiene bobe ;-)

no öpis... wägem iishockey mätschli nöchschd so... naja i ha kei ahnig wie me die usröstig muess alege (ponkt eis) ond i weiss ou ned, wasi alles dronder muess alege.... konkret gseid: kei blasse schemmer!!! wär also om en iifüerig i das ganze no glöcklech...

also demfall liebi grüess us beromönster ond i hoffe, dass mi die woche weniger päch verfolgt als ide letschde ond, dassi gli weder min geliebt pc han :-)

greez nadja

joe haefeli · Gast

hallo nadja

also wägem alegge muesch der es kes problem mache, da wird dir scho zeiged und ghulfe ;-)

drunder würdi es paar langi underhose oder trainerhose, und es t-shirt oder es langärmligs shirt (ned allzu dick) alegge. du chunsch sicher z'schwitze ke angst!

de didi het bis jetzt erst 10 spieler für normalerwiis 22 plätz. da heisst mer händ bis jetzt eken uswächselspieler oder wenn no es paari chömed, nur sehr wenigi. das bedütet wiederum, dassmer völlig ufe hund werded cho! aber ech freu mi mega ufs hockey-spiele.

meinsch dini schultere lönd en sone iisatz zue?

bis bald ufem sportplatz joe

nadja im chemiepraktikum :-) · Gast

wedermol en eher langwiiligi stond ond i ha chönne en pc ergattere...
ok, i werde dini aawiisige befolge ond i froge den de phippu, öb er mer chond choge hälfe alege, muesch der gar kei hoffnige mache ;-) nenei, zerscht mol versuechis elei ond schösch chani jo den emmerno uf üch zrogcho... öbrigens, wenn mer so wenig speler händ, den wärded vorallem d fäldspeler müesse meh mache, i meine ich be jo eh emmer em goal ond den muessi eh emmer bide sach si, öb der ez ufem hond send oder ned. d frog esch eifach, öb sech das lohnt bi mer.... i dänke konzentration bewahrt mi noni ganz vorere blamage.... naja es werd secher mega lostig ond i ha ez scho nüt me anders em chopf ond fröie mi riisig! aber es chlises ziil hani glich no, i wett weniger goal öbercho als du! :-) ond das wäge minere scholtere, das good den scho, bes ez esch no alles gange bi mer, d frog esch amigs eifach wies im nochhinein esch, aber ebe..... no risk no fun!
also demfall bes gli! i be ez scho ganz gigerig..........
e liebe gruess nadja

joe haefeli · Vielschreiber Beiträge: 75

hey nadja

du gsesch da scho rächt, wenn du meinsch, dass es für dech ned viel anders wird si, als wenn mer gnueg lüt sind. bis gester obe, hett de didi dänkt du segsch bi ehm, em micha, em phippu und mer ide mannschaft. bi de andere wäred drü juniore vom hockey gsi. das sinds immerno, au wenn mer gnueg lüt sind. na wa meinsch mit de 10 gool? aber ich cha der eis versichere: es uuuuuuuuuuh de plausch. au wennmer es paarmol muess hindersich lange!

bisher händ sich d'fraue immer bi eus ide kabine agleit, ebe vorallem wägem "hälfe" alegge ;-) aber eis chasch sicher si, iiseife bim dusche muesch di denn elei! ;-)

hei, no öppis, min termin morn obe isch usgfalle. wämmer glich trainiere?

gruess joe

phippu · Gast

hey papi, das dönt jo so as wär de termin sooo zuefällig usgfalle ond as hätisch du so en stressjob;))))))))))))))
du weisch dass ich de as schöggeler halte:) ha dänkt i mües iz das do au mol bekannt gä ond nadle chasch en ruig ä nochli stresse wäge dem.

No zom sonntig, eigentli weti jo lieber gäge d'nadle spele....das wär secher 10mol loschtiger;)